وزیر داخلہ نے زائد المعیاد شناختی کارڈ پر جاری سمز بند کرنے کی ہدایت جاری کردی

وزیرِ داخلہ محسن نقوی نے زائد المیعاد شناختی کارڈز پر جاری موبائل سمز بند کرنے کا حکم دے دیا۔پنجاب کے تھانوں کی طرز پر نادرا ماڈل آفس بنانے کی ہدایت بھی کر دی نادرا ہیڈ کوارٹر کے دورہ پر منعقدہ اجلاس کی صدارت کرتے ہوئے وزیر داخلہ محسن نقوی نھ پنجاب کے ماڈل تھانوں کی طرز پر ملک بھر میں ماڈل نادرا آفس بنانے کی ہدایت کردی،وزیر داخلہ کا کہنا تھا کہ پنجاب میں ماڈل تھانوں کے قیام سے عوام کو سہولت کے ساتھ امیج میں بھی بہتری آئی، ڈیتھ سرٹیفکیٹ کی فیس ختم کی جا رہی ہے۔ وزیر داخلہ کا کہنا تھا کہ پیدائش، موت، شادی اور طلاق کے سرٹیفکیٹس کے لیے یونین کونسل دفاتر کے ساتھ مل کر سہل نظام متعارف کرایا جائے، شہریوں کے ڈیٹا کی مکمل حفاظت کو یقینی بنایا جائے۔ محسن نقوی نے کہا کہ عوام کی سہولت کیلئے موبائل پلیٹ فارمز پر مزید سہولیات فراہم کی جائیں، ادارے کے اقدامات کی ترویج کیلئے سوشل میڈیا کو مؤثر طریقے سے استعمال کیا جائے،انہوں نے زائد المعیاد شناختی کارڈ پر ابھی تک ایکٹیو سمز کو بند کرنے کی ہدایت بھی کی