سپریم کورٹ نے سی سی پی او لاہور کو عہدے پر بحال کردیا،سماعت ملروی

سپریم کورٹ نے سی سی پی او لاہور غلام محمود ڈوگر کو بحال کر دیا، سی سی پی او لاہور کی بحالی سے عمران خان حملہ کیس کی تحقیقات کرنے والی جے آئی ٹی فعال ہوگئی، جسٹس اعجاز الاحسن کی سربراہی میں تین رکنی بینچ نے کیس کی سماعت کی، غلام محمود ڈوگر کے وکیل نے کہا غلام محمود ڈوگر کو فیڈرل سروس ٹربیونل نے بحال کیا تھا،سروس ٹربیونل کے ہی دو رکنی بینچ نے بحالی کا فیصلہ معطل کر دیا، ٹربیونل کے دو رکنی بنچ کا فیصلہ دوسرا دو رکنی بنچ معطل نہیں کر سکتا، حکومت کی نظرثانی درخواست بھی ٹربیونل میں زیرالتواء تھی، جسٹس اعجاز الاحسن نے کہا ٹربیونل کا ایک بنچ دوسرے بنچ کا فیصلہ کیسے معطل کر سکتا ہے؟خصوصی بنچ نے ایک جانب کہا درخواست قبل ازوقت ہے ساتھ ہی حکم معطل کر دیا، جسٹس مظاہر نقوی نے ریمارکس دیے لاہور ہاہیکورٹ نے کیسے کہ دیا کہ آئینی درخواست قابل سماعت نہیں، عدالت نے سی سی پی او لاہور غلام محمود ڈوگر کو بحال کر 6ئ8ئ8 دیا اور سروس ٹربیونل کے خصوصی بینچ کے فیصلے کیخلاف غلام محمود ڈوگر کی اپیل پر وفاقی حکومت کو نوٹس جاری کردیا، کیس کی مزید سماعت غیرمعینہ مدت تک ملتوی کر دی گئی،سی سی پی او لاہور کی بحالی سے عمران خان حملہ کیس کی تحقیقات کرنے والی جے آئی ٹی فعال ہوگئی، غلام محمود ڈوگر عمران خان حملہ جے آئی ٹی کے سربراہ ہیں