سیکرٹری الیکشن کمیشن کے استعفے کا معاملہ،ترجمان کا بیان آگیا

سیکریٹری الیکشن کمیشن عمر حمید کے استعفے کہ خبروں پر الیکشن کمیشن کا بیان جاری،کہا سیکرٹری الیکشن کمیشن بیماری کے باعث بیڈ ریسٹ پر ہیں ترجمان الیکشن کمیشن کی جانب سے جاری بیان میں کہا گیا ہے کہ سیکریٹری الیکشن کمیشن عمر حمید ایک ذہین اور محنتی افسر ہیں، وہ بہت اچھے طریقے سے خدمات سر انجام دے رہے ہیں ترجمان کا کہنا تھا کہ عمر حمید کی طبیعت کچھ دنوں سے خراب تھی، وہ میڈیکل ریسٹ پر ہیں، ان کی صحت نے اجازت دی تو وہ جلد اپنے فرائض انجام دیں گے۔ الیکشن کمیشن کا کہنا ہے کہ الیکشن کمیشن مکمل طور پر فعال ہے، الیکشن کمیشن کے کسی کام میں رکاوٹ یا رخنہ نہیں ہے، تعطیلات کے دنوں میں بھی الیکشن کمیشن کے دفاتر کھلے ہیں اور ضروری خدمات سر انجام دی جا رہی ہیں الیکشن کمیشن کے ترجمان کا کہنا تھا کہ سیکریٹری کی غیر موجودگی میں دونوں اسپیشل سیکریٹری الیکشن کمیشن کا کام احسن طریقے سے چلا رہے ہیں