سانحہ 9 مئی،نگران حکومت نے کابینہ کمیٹی بنادی،چودہ دن میں رپورٹ طلب |
|
هفته 06 جنوری 2024ء | |
نگران وفاقی حکومت نے سانحہ 9 مئی سے متعلق کابینہ کمیٹی قائم کر دی گئی۔چودہ دن میں وزیراعظم کو رپورٹ پیش کرے گی،نوٹیفیکشن جاری کابینہ ڈویژن کہ جانب سے جاری نوٹیفیکشن کے مطابق کابینہ کمیٹی کی سربراہی نگراں وفاقی وزیر قانون احمد عرفان اسلم کریں گے۔ کمیٹی 14 روز میں اپنی رپورٹ پیش کرنے کی پابند ہو گی۔ نوٹیفیکشن کے مطابق کمیٹی 9 مئی 2023ء کے واقعات کا جائزہ لے گی، کمیٹی ایسے واقعات کی آئندہ کے لیے روک تھام سمیت سفارشات تیار کرے گی۔ جبکہ کابینہ کمیٹی 9 مئی واقعات کی وجوہات تلاش کرے گی اور 9 مئی واقعات کے ماسٹر مائنڈ، منصوبہ ساز، سہولتکار اور عمل کرنے والوں کی نشاندھی بھی کرے گی نوٹیفکیشن کے مطابق کمیٹی 9 مئی کے فوری اور طویل المدتی اثرات کا جائزہ لے گی، وزارت داخلہ کابینہ کمیٹی کو سیکریٹریٹ سپورٹ فراہم کرے گی |