سابق چیئرمین پی ٹی آئی کی نااہلی کا معاملہ،الیکشن کمیشن نے فیصلہ محفوظ کر لیا

الیکشن کمیشن نے بانی چئیرمین پی ٹی آئی کی نا اہلی سے متعلق کیس کا فیصلہ محفوظ کرلیا چیف الیکشن کمشنر سکندرسلطان راجہ کی سربراہی میں 5 رکنی بنچ نے کیس پر سماعت کی ۔ چئیرمین پی ٹی آئی کے وکیل شعیب الیکشن کمیشن میں پیش ہوۓ اور موقف اختیار کیا کہ ہم نے انٹر پارٹی انتخابات کا ریکارڈ الیکشن کمیشن میں جمع کروادیا ہے ۔اب اس کیس کو ختم ہوجانا چاہئیے کیوں کہ قانونی طور پر یہ معاملہ ختم ہوگیا ہے ۔کیونکہ پارٹی کا نیا چئیرمین آگیا ہے۔ شعیب شاہین نے کہا کہ اگر آپ اس کیس کو چلانا چاہتے ہے تو اکبر ایس بابر پٹیشن دائر کررہے اسکے ساتھ چلالے۔ اس پر چیف الیکشن کمشنر نے ریمارکس میں کہا کہ آپ خالد محمود کو موقع دے رہے کہ وہ نئے چئیرمین کے خلاف بھی پٹیشن دائر کرے۔ درخواست گزار خالد محمود ایڈوکیٹ بھی الیکشن کمیشن میں پیش ہوۓ اور موقف اختیار کیا کہ پی ٹی آئی کے انٹر پارٹی انتخابات کو کسی نے تسلیم نہیں کیا۔ خالد محمد نے کہا کہ پی ٹی آئی کے بانی ممبر اکبر ایس بابر نے بھی انٹر پارٹی الیکشن کو تسلیم نہیں کیا۔ آپ آرڈر میں لکھ کر دیدے کے عمران خان سزا یافتہ ہے وہ پارٹی کا کوئی عہدہ رکھ نہیں سکتے۔ چیف الیکشن کمشنرنے کہا کہ بانی چئیرمین پی ٹی آئی نے الیکشن لڑا ہی نہیں اس میں ہم کچھ نہیں کہ سکتے