پاک افغان بارڈر پرایک دستاویز نظام،چمن اور قلعہ عبداللہ کے پاسپورٹ آفس اپ گریڈ |
|
بدھ 22 نومبر 2023ء | |
پاک افغان چمن بارڈر پر ون ڈاکیومنٹ رجیم پر عملدرآمد کیلئے اقدامات کا سلسلہ جاری،بین الاقوامی سرحد پر آمدورفت کیلئے پاسپورٹ پر کامیابی سے عمل درآمد شروع کر دیا گیا ڈائریکٹر زونل امیگریشن کے مطابق پاکستان افغانستان بین الاقوامی سرحد پر ون ڈاکیومنٹ رجیم پر کامیابی سے عمل جاری ہے،جبکہ پاسپورٹ آفس چمن پہلے ایک کمرے پر مشتمل تھا اور وہاں صرف دو اہلکار تعینات تھے اور ایک کاونٹر تھا۔ اب عوام کی سہولت کے پیش نظر اور ون ڈوکیمنٹ رجیم پر عمل درآمد کیلئے اب وہاں 10 کاونٹرز بنادیے گئے ہیں۔ تاکہ عوام کو سہولت ہو۔ امیگریشن حکام کے مطابق چمن پاسپورٹ آفس سے تقریباً 1500 پاسپورٹ پروسیس کردیے گئے ہیں۔ چمن پاسپورٹ آفس میں 2 کاوئنڑز صرف خواتین کیلئے مخصوص ہیں تاکہ انہیں لمبی قطار میں انتظار نہ کرنا پڑے۔ حکام کے مطابق قلعہ عبداللہ میں بھی ایک نیا پاسپورٹ آفس تعمیر کردیا گیا ہے جو پانچ کاؤنٹر پہ مشتمل ہے۔ ایک دستاویزاتی نظام سے بارڈر پر آمدورفت قانونی طریقے سے ممکن ہوگی۔اور نقل و حرکت میں شفافیت کو یقینی بنایا جا سکے گا۔ |