عمران خان،شاہ محمود قریشی سے تفتیش شروع

صوبہ پنجاب کے تین اضلاع کی پولیس نے 9 مئی واقعات پر چئیرمین پی ٹی آئی اور انکے نائب سے تفتیش کا باقاعدہ آغاز کردیا،سابق وزیراعظم اورشاہ محمود قریشی نےراولپنڈی پولیس کی تفتیش میں وکلاء سے مشورہ اور انکی موجودگی کے بغیرشامل ہونے سے گریز کیا،فیصل آباد اور قصورپولیس کی ٹیموں کو مخصوص سوالات کے جوابات دیئے،دونوں ٹیمیں ابتدائی تفتیش کے بعد واپس روانہ وہ گئیں ذرائع کے مطابق چئیرمین پی ٹی آئی اور شاہ محمود قریشی سے راولپنڈی، فیصل آباد اور قصور پولیس کی خصوصی ٹیموں نے 9 مئی واقعات کے تناظر میں درج مقدمات پر اڈیالہ جیل میں تفتیش کا آغاز کردیا ہے، چئیرمین پی ٹی آئی اور شاہ محمود قریشی نے راولپنڈی پولیس کی تفتیشی ٹیم سے تعاون سے گریز کرتے ہوئے وکلاء کی موجودگی میں تفتیش کرنے کا مطالبہ کیا، جبکہ دونوں نے قصور اور فیصل آباد سے اڈیالہ جیل آئی تفتیشی ٹیموں کو مخصوص سوالات کے جوابات دیئے، ذرائع کے مطابق فیصل آباد اور قصور پولیس کی ٹیموں نے ابتدائی تفتیش مکمل کرلی ہے،جیل ذرائع کے مطابق 9 مئی واقعات کے تناظر میں درج مقدمات میں سابق وزیر اعظم اور سابق وزیر خارجہ سے تفتیش کے لئے تینوں اضلاع کی ٹیموں کوالگ الگ موقع دیا گیا،جسکے لئے جیل انتظامیہ نے خصوصی انتظامات کررکھے تھے،فیصل آباد، راولپنڈی اور قصور پولیس کی ٹیموں نے آفیشل سیکرٹ ایکٹ کے تحت قائم عدالت سے اجازت لے کر چئیرمین پی ٹی آئی اور شاہ محمود قریشی سے اڈیالہ جیل میں تفتیش کا آغاز کیا،پنجاب کے تینوں اضلاع کی ٹیمیں رات 8 بجے کے بعد جیل سے واپس روانہ ہوئیں،ذرائع کا کہنا ہے کہ راولپنڈی پولیس کی ٹیم آئندہ چند روز میں سابق وزیر اعظم اور شاہ محمود قریشی سے تفتیش کے لئے دوبارہ اڈیالہ جیل جائے گی۔۔۔۔۔۔۔