دہشتگردوں اور سہولت کاروں کو ریاست کے سامنے ہتھیار ڈالنا ہونگے،آرمی چیف جنرل عاصم منیر

آرمی چیف جنرل سید عاصم منیر کا جنوبی وزیرستان کے علاقے شیروانگی کے علاقے کا دورہ، کہا کہ پاکستان کو غیر مستحکم کرنے کے دشمن ایجنڈے کے تحت کام کرنے والے دہشت گردوں، ان کے سہولت کاروں اور ان کی حوصلہ افزائی کرنے والوں کو ریاست کے سامنے ہتھیار ڈالنے ہوں گے،، آئی ایس پی آر کے مطابق آرمی چیف جنرل سید عاصم منیر نے جنوبی وزیرستان کے علاقے اسمان منزہ کے قریب شیروانگی کے علاقے کا دورہ کیا، اس جگہ گذشتہ روز چھ بہادر جوان دہشت گردوں کے خلاف بہادری سے لڑتے ہوئے شہید ہوئے، آرمی چیف جنرل سید عاصم منیر کو موجودہ انٹیلی جنس اور انسداد دہشت گردی کی کارروائیوں سمیت موجودہ سیکیورٹی صورتحال پر تفصیلی بریفنگ دی گئی، بعدازاں آرمی چیف جنرل سید عاصم منیر نے افسروں اور جوانوں سے بات چیت کی اور دہشت گردی کیخلاف کوششوں میں ان کے غیر متزلزل عزم کو سراہا، آرمی چیف جنرل سید عاصم منیر نے کہا کہ شہداء ہمارا فخر ہیں اور پاکستان میں مکمل امن و استحکام کی بحالی تک ان کی قربانیاں رائیگاں نہیں جائیں گی، آرمی چیف جنرل سید عاصم منیر نے زور دے کر کہا کہ پاکستان کو غیر مستحکم کرنے کے دشمن ایجنڈے کے تحت کام کرنے والے دہشت گردوں، ان کے سہولت کاروں اور ان کی حوصلہ افزائی کرنے والوں کو ریاست پاکستان کے سامنے ہتھیار ڈالنے ہوں گے، قبل ازیں آمد پر کور کمانڈر پشاور نے آرمی چیف کا استقبال کیا،،