غیرت کے نام پر تین افراد قتل،باپ دو بیٹوں سمیت گرفتار

کلر سیداں پولیس نے غیرت کے نام پر تہرے قتل کے مقدمہ میں مطلوب ملزم باپ کو دو بیٹوں سمیت گرفتار کرلیا،ملزمان نے 6 دن قبل چھریوں کے وار سے خاتون کو خاوند اور بیٹے سمیت قتل کیا تھا،مقتولین میں تحصیل ہیڈ کوارٹر اسپتال کلر سیداں کا ملازم بھی شامل ہے، پولیس کے مطابق ملزم یاسر نے اپنے بھائی اور باپ کے ساتھ ملکر چھریوں کے وارسےرخسانہ بی بی،اسکے شوہر شبیر اور بیٹے صغیر کو قتل کر دیا تھاجسکے بعد ملزمان موقع سے فرار ہو گئے تھے،ملزمان نے غیرت کے نام پر تینوں افراد کو گھر میں گھس کر قتل کیا تھا،گرفتار ملزمان میں باپ محمد وزیر،بیٹا یاسر اور اسماعیل شامل ہیں،گرفتار ملزم یاسر نے سابق اہلیہ ثوبیہ کے مقتولہ رخسانہ کے بیٹے ادریس سے مراسم پر باپ اور بھائی کی معاونت سے تینوں افراد کو قتل کیا تھا،ملزم اپنی سابق اہلیہ ثوبیہ کو پہلے ہی طلاق دے چکا تھا،جبکہ ثوبیہ کو اسکے بھائی عثمان نے تین افراد کے قتل سے تھوڑی دیر قبل غیرت کے نام پر گولی مار کر قتل کیا تھا،ملزم عثمان کو پولیس تاحال گرفتار نہیں کر سکی۔۔۔۔۔۔۔۔