ٹائی ٹینک کے ملبے کی سیر کرانے والی آبدوز ٹائی ٹائیٹین بھی لاپتہ

برطانوی میڈیا کے مطابق ٹائی ٹینک کے ملبے کی سیر کرانے والی لاپتہ آبدوز بحر اوقیانوس میں لاپتہ ہوئی،اکیس فٹ لمبی ٹائیٹین آبدوز اتوار کی صبح سفر پر روانہ ہوئی تھی اور دو گھنٹے بعد ہی اس سے رابطہ منقطع ہو گیا تھا،آبدوز میں پانچ افراد سوار تھے آبدوز میں سفر پر جانے والے افراد کو ریسکیو کرنے اور آبدوز کی تلاش کےلئے تاحال سرچ اینڈ ریسکیو آپریشن جاری ہے جس میں امریکہ اور کینیڈا کے حکام شریک ہین،خدشہ ظاہر کیا جارہا ہے آبدوز ٹائی ٹینک کے ملبے میں کہیں پھنس گئی ہے اگر آئندہ چوبیس سے چھتیس گھنٹوں میں سرچ اینڈ ریسکیو آپریشن میں کامیابی نہ ملی تو آبدوز میں موجود پانچوں افراد آکیسجن کی کمی کے باعث جان کی بازی ہار سکتے ہیں ٹائٹین میں ٹائی ٹینک کے ملبے کا نظارہ کرنے کےلئے ٹکٹ لاکھوں روپے کا ملتا ہے جبکہ فائبر اور ٹائیٹینیم سے بنی اس ٹائٹین نامی آبدوز میں ایک کھڑکی سے ملبے کا نظارہ کیا جا سکتا ہے،رپورٹس کے مطابق ٹائی ٹینک کی سیاحت کرانے والی کمپنی کے مطابق موسمی حالات کے سبب یہ اس سال کا واحد مشن تھا، واضح رہے کہ ٹائی ٹینک جہاز 15 اپریل 1912ء کو انگلینڈ سے نیویارک آتے ہوئے برفانی تودے سے ٹکرا کر ڈوب گیا تھا، حادثے میں 1500 افراد جان کی بازی ہار گئے تھے،جہاز کا ملبہ 1985ء میں ملا تھا،ٹائی ٹینک کا ملبہ بحرِ اوقیانوس میں 12 ہزار 500 فٹ کی گہرائی میں موجود ہے، جو نیو فاؤنڈ لینڈ اور کینیڈا کے ساحل سے تقریباً 600 کلومیٹر دور ہے،ڈوبے ہوئے جہاز میں لوگوں کی دلچسپی 1997ء میں فلم ٹائی ٹینک دیکھنے کے بعد پیدا ہوئی تھی ،2009ء میں اوشین گیٹ کمپنی نے سیاحوں کو اس مقام کا دورہ کرانا شروع کیا تھا۔