چیئرمین پی ٹی آئی عمران خان نے وفاقی وزیر عبدالقادر پٹیل کو دس ارب ہرجانے کا نوٹس بھجوا دیا

سابق وزیر اعظم اورچیئرمین تحریک انصاف عمران خان کی جانب اپنے اوپر وفاقی وزیر صحت کے الزامات کے بعد عبدالقادر پٹیل کیخلاف قانونی چارہ جوئی کا آغاز کر دیا ہے اور عمران خان کے وکیل ابوذر سلمان نیازی کی طرف سے وفاقی وزیر صحت کو دس ارب ہرجانے کا نوٹس بھجوا دیا گیا، وفاقی وزیر کو بھجوائے گئے نوٹس میں مطالبہ کیا گیا ہے کہ عبدالقادر پٹیل سے 15 روز میں اپنے الزامات واپس لیں اور فوری طور پر چیئرمین تحریک انصاف سے غیرمشروط معافی مانگیں، عبدالقادر پٹیل چیئرمین تحریک انصاف کو 10 ارب بطور ہرجانہ ادا کریں جسے شوکت خانم اسپتال میں جمع کروایا جائے گا، نوٹس میں کہا گیا ہے کہ اگر وفاقی وزیر صحت عبدالقادر پٹیل نے معافی نہ مانگی تو قانونی کارروائی آگے بڑھائی جائے گی