شیریں مزاری کی گرفتاری کالعدم قرار،اسلام آباد ہائیکورٹ نے رہائی کا حکم دے دیا |
|
| منگل 16 مئی 2023ء | |
 |
|
اسلام آباد ہائیکورٹ کے جسٹس میاں گل حسن اورنگزیب نے شیریں مزاری کی گرفتاری کےخلاف ایمان مزاری کی درخواست پر سماعت کی، درخواست گزار کی جانب ست زینب جنجوعہ ایڈووکیٹ عدالت میں پیش ہوئیں کیس کی سماعت کے دوران زینب جنجوعہ نے دلائل دیتے ہوئے کہا کہ ڈسٹرکٹ مجسٹریٹ نے نقص امن کے خدشے پرشیریں مزاری کی گرفتاری کا حکم جاری کیا، شیریں مزاری پر کارکنوں کو اکسانے اور اشتعال دلانے کا الزام ہےلیکن شیریں 9 مئی کے بعد سے گھر پر تھیں،انہوں نےکوئی بیان بھی نہیں دیا، جبکہ سی سی ٹی وی فوٹیج اورسی ڈی آر ریکارڈ سے بھی گھرپرموجودگی کوچیک کیا جاسکتا ہے۔ عدالت نے سوال کیا کہ شیریں مزاری کی عمر کیا ہے؟ جس پر زینب جنجوعہ نے بتایا کہ شیریں مزاری کی عمر 72 سال ہے، انہیں میڈیکل ایشوزبھی ہیں۔ دلائل سننے کے بعدعدالت نے شیریں مزاری کی تھری ایم پی او کے تحت گرفتاری کالعدم قرار دیتے ہوئے ان کی فوری رہائی کا حکم دے دیا۔ |
