سوڈان میں فوج اور پیرا ملٹری فورسز کے درمیان جھڑپیں جاری

بین الاقوامی میڈیا کے مطابق سوڈان میں فوج اور پیرا ملٹری کے درمیان جھڑپوں میں ہلاکتوں کی تعداد پانچ سو سے تجاوز کر گئی ہےجبکہ چار ہزار سے زائد زخمی ہیں۔ رپورٹس کے مطابق سوڈان کے شہریوں نے جنگی صورتحال کے باعث پڑوسی ممالک کی جانب رخ کرلیا ہے جہاں انہوں نے مصر، چاڈ اور جنوبی سوڈان میں پناہ لی ہے دوسری جانب سوڈان سے پچاس سے زائد ممالک کے ایک ہزار سات سو سے زائد شہریوں کو لے کر بحری جہاز سعودی عرب پہنچ گیا، جدہ پہنچنے والوں میں پاکستانی شہری بھی شامل ہیں۔ سوڈانی فوج نے معزول صدر عمرالبشیر کی جیل سے فرار کی تردید کی ہے جب کہ امریکا نے سوڈان میں جنگ بندی اور مسئلے کے سیاسی حل پر زور دیا ہے