پی ٹی آئی جلسہ،اقبال پارک کو پہنچنے والے نقصان کا سروے جاری

پی ایچ اے کے ذرائع کے مطابق پاکستان تحریک انصاف کے اقبال پارک میں جلسے کے دوران پارک کو پہنچنے والے نقصان کےلئے سروے شروع کر دیا گیا ہے،ذرائع کے مطابق ابتدائی طور پر نقصان ایک کروڑ روپے کے لگ بھگ ہے تاہم حتمی رپورٹ آئندہ چوبیس گھنٹے میں مکمل کرلی جائے گی پی ایچ اے ذرائع کے مطابق گریٹر اقبال پارک کے بیشتر حصوں اور پارک میں چھوٹے پودوں کو نقصان ہوا ہے اور پودے مکمل تباہ ہوئے ہیں جبکہ مختلف گیٹس کو لگائے گئے تالوں کو بھی توڑا گیا ہے ذرائع کے مطابق پی ٹی آئی کے گزشتہ جلسے میں بھی پارک کو چالیس لاکھ کا نقصان پہنچایا گیا تھا جس کی ادائیگی تاحال ہونا باقی ہے اور حالیہ جلسے میں پہنچنے والے نقصان کی رپورٹ کے ساتھ گزشتہ جلسے کے حوالے سے رپورٹ بھی پی ٹی آئی قیادت کو بھجوائی جائے گی