افغانستان ،مزار شریف دھماکہ،گورنر بلخ سمیت دو افراد جاں بحق

افغان میڈیا کے مطابق بلخ پولیس کمانڈ کے ترجمان محمد آصف وزیری کا کہنا ہےکہ دھماکا گورنر کے دفتر میں جاری اجلاس کے دوران ہوا، دھماکے میں گورنربلخ سمیت دو افراد جاں بحق ہوئے ہیں۔ ترجمان افغان حکومت ذبیح اللہ مجاہد نے بھی گورنر بلخ کی ہلاکت کی تصدیق کی ہے۔ ذبیح اللہ مجاہد کا کہنا تھا کہ دھماکے کے حوالے سے تحقیقات کا آغاز کر دیا گیا ہے۔ افغان حکام کےمطابق کسی گروپ نے دھماکے کی ذمہ داری قبول نہیں کی، دھماکےکے مقام کو سکیورٹی فورسز نے گھیرے میں لے لیا ہے۔