پی ٹی آئی کے تینتالیس ارکان کو ڈی نوٹیفائی کرنے کا نوٹیفکشن معطل

پی ٹی آئی کے تنتالیس ارکان کے استعفے منظور کرنے کے حوالے سے درخواست کی سماعت لاہور ہائی کورٹ کے جسٹس شاہدکریم نے کی،پی ٹی آئی کے وکیل بیرسٹر علی ظفر نے عدالت کت سامنے دلائل میں موقف اختیار کیا گیا کہ استعفوں کی منظوری میں قانونی تقاضے پورے نہیں کئے گئے عدالت کے قانونی تقاضوں کو پورا نہ کرنے کے حوالے سے سوال ہر بیرسٹر علی ظفر کا کہنا تھا کہ اسپیکر نے استعفے منظور کرنے سے قبل آئین کے تحت انکوائری نہیں کی اور نہ ارکان اسمبلی استعفیٰ منظور کرانے کے لیے اسپیکر کے پاس پیش نہیں ہوئے، ارکان کو سنے بغیر اسپیکر استعفے منظور نہیں کرسکتا۔ عدالت نے دلائل سننے کے بعد تنتالیس ارکان اسمبلی کو ڈی نوٹیفائی کرنےکا الیکشن کمیشن کاحکم معطل کردیا اور ان حلقوں میں ضمنی الیکشن بھی تاحکم ثانی روک دیا،جبکہ آئندہ سماعت کے لئے فریقین کو نوٹس جاری کرتے ہوئے جواب طلب کر لیا