ایک ہفتے کے دوران چار سیارچے زمین کے قریب سے گزریں گے ،ناسا |
|
جمعرات 07 ستمبر 2023ء | |
آٹھ ستمبر سے بارہ ستمبر کے دوران زمین کے قریب سے چار سیارچے گزریں گے۔ تاہم ان سے زمین کو کوئی خطرہ نہیں امریکی خلائی ادارے ناسا کے مطابق دو سیارچے 8 ستمبر کو زمین کے قریب سے گزریں گے۔ ان میں کیو سی 5 نامی سیارچے کا سائز 79 فٹ جبکہ جی ای نامی سیارچے کا سائز 26 فٹ کے قریب ہے۔ ناسا کے مطابق کیو سی 5 سیارچہ تقریباً 41 لاکھ کلومیٹر کے فاصلے سےجبکہ جی ای سیارچہ زمین سے 56 لاکھ کلومیٹر کے فاصلے سے گزرے گا۔ امریکی خلائی ادارے کے مطابق جہاز کے برابر دوسرے سیارچے کیو ایف 6 کا سائز تقریباً 68 فِٹ ہے اور یہ 10 ستمبر کو زمین کے قریب سے گزرے گا۔ اسکا زمین سے فاصلہ صرف 25 لاکھ کلو میٹر ہوگا ناسا کے مطابق چوتھا اور آخری سیارچہ آر ٹی ٹو 12 ستمبر کو زمین کے پاس سے گزرے گا، یہ سیارچہ زمین سے 41 لاکھ کلومیٹر کے فاصلے سے گزرے گا۔ قبل ازیں 6 ستمبر کو جے اے 5 نامی سیارچہ زمین سے 49 لاکھ کلومیٹر کے فاصلے سے گزر چکا ہے۔ |