کراچی ٹیست،تیسرا دن،پاکستان نے نو وکٹ پر چار سو سات رنز بنا لئے |
|
بدھ 04 جنوری 2023ء | |
پاکستان اور نیوزی لینڈ کے دوسرے ٹیسٹ کے تیسرے دن پاکستان نے اپنی پہلی اننگز کا آغاز ایک سو چون رنز تین کھلاڑی آوٹ پر شروع کیا تو29 رنز کے اضافے کے بعد اوپنر امام الحق تراسی رنز کی اننگز کھیل کر آوٹ ہوگئے،جبکہ سرفراز احمد اٹھہتر اور سلمان آغا اکتالیس رنز کی اننگز کھیلنے میں کامیاب رہے،باقی کھلاڑیوں میں حسن علی 4، نسیم شاہ بھی 4 رنز بنا کر آؤٹ ہوئے جبکہ میر حمزہ پہلی گیند پر بولڈ ہو گئے۔ تیسرے دن کا کھیل ختم ہوا تو سعود شکیل ایک سو چوبیس اور ابرار احمد بغیر کوئی رن بنائے وکٹ پر موجود تھے،نیوزی لینڈ کی جانب سے اعجاز پٹیل نے تین،ایش سودھی نے دو جبکہ ٹم سائوتھی،میٹ ہنری اور ڈیرل مچل نے ایک ایک کھلاڑی کو آئوٹ کیا واضح رہے کہ نیوزی لینڈ نے اپنی پہلی اننگز میں چار سو انچاس رنز بنائے تھے اور نیوزی لینڈ کی پہلی اننگز کی برتری ختم کرنے کےلئے پاکستان کو بیالیس رنز درکار ہیں جبکہ اسکی ایک وکٹ باقی ہے |