طالبان پاکستان کےلئے خطرہ بننے والے گروہوں کو روکیں،سیکرٹری جنرل اقوام متحدہ انتونیو گوتریس |
|
منگل 20 دسمبر 2022ء | |
اقوام متحدہ کے سیکرٹری جنرل انتونیو گوتریس نے طالبان پر زور دیا ہے کہ پاکستان کےلئے خطرہ بننے والے دہشتگرد گروہوں کو روکیں ،خطے میں امن و سلامتی یقینی بنانے کےلئے کردار ادا کریں نیویارک میں بریفنگ کے دوران اقوام۔متحدہ کے سیکرٹری جنرل کا کہنا تھا کہ ہم طالبان سے مذاکرات کر رہے ہیں اور طالبان کو چاہیے کہ وہ پاکستان کےلئے خطرہ بننے والے گروہوں کو روکیں خطے کی امن و سلامتی میں اپنا کردار ادا کریں اور کسی کو دہشتگرد سرگرمی کی اجازت نہ دیں،ان کا کہنا تھا کہ افغان حکومت میں تمام نسلی گروہوں کی شمولیت ضروری ہے تاکہ مسائل پر موثر انداز سے قابو پایا جا سکے انتونیو گوتریس نے عالمی برادری پر زور دیا کہ پاکستان کے سیلاب متاثرین کی مدد کےلئے آگے آئیں اور اس حوالے سے نو جنوری کو پیرس میں ہونے والی ڈونر کانفرنس کی حمایت کریں انکا کہنا تھا کہ ماحولیاتی تبدیلیوں میں پاکستان کا کردار بہت کم ہے انتونیو گوتریس کا کہنا تھا کہ پاکستان کی مدد کےلئے عالمی برادری کو متحرک کرنے کےلئے وہ پرعزم ہیں انہوں نے دورہ۔پاکستان کے دوران ملک کے بڑے حصے کو پانی میں ڈوبا ہوا دیکھا،عالمی برداری کو پاکستان کے سیلاب متاثرین کی مدد کےلئے اپنا مثبت کردار ادا کرنا ہو گا، |