جیل میں بھارتی دہشتگرد پر حملہ کرنے والا عامر تانبا نامعلوم افراد کی فائرنگ سے زخمی |
|
اتوار 14 اپریل 2024ء | |
جیل میں بھارتی دہشت گرد سربجیت پر حملہ کرنے والا عامر تانبا نا معلوم افراد کی فائرنگ سے شدید زخمی پولیس حکام کے مطابق اسلام پورہ میں نامعلوم موٹر سائیکل سواروں کی فائرنگ سے کوٹ لکھپت جیل سے رہائی پانے والا عامر تانبا شدید زخمی ہو گیا،عامر تانبا بھارتی دہشت گرد سربجیت سنگھ پر جیل میں حملے میں ملوث تھا۔ حکام کے مطابق عامر تانبا کچھ عرصہ قبل ہی جیل سے رہا ہو کر آیا تھا، علاقے کو گھیرے میں لے کر شوٹرز کی تلاش شروع کر دی ہے۔ واضح رہے کہ 2013ء میں کوٹ لکھپت جیل کے دو قیدیوں عامر تانبا اور مدثر پر سربجیت سنگھ پر حملے کا الزام عائد کیا گیا تھا۔بھارتی جاسوس سربجیت سنگھ زخموں کی تاب نہ لاتے ہوئے اسپتال میں دم توڑ گیا تھا |