پاکستان اور آئی ایم کے درمیان مذاکرات مکمل،ایک ارب 10 کروڑ ڈالر جلد ملنے کا امکان

پاکستان اور بین الاقوامی مالیاتی فنڈ کے درمیان اسٹاف لیول ایگزیکیٹیو بورڈ کی منظوری سے مشروط آئی ایم ایف کے اعلامیے کے مطابق معاہدے کے مطابق ایگزیکٹیو بورڈ سے منظوری کے بعداسٹینڈ بائی ارینجمنٹ کے تحت پاکستان کو 1 اعشاریہ 1 ارب ڈالرز کی آخری قسط ملنی ہے، قسط ملتے ہی 3 ارب ڈالرز کا اسٹینڈ بائی ارینجمنٹ ختم ہو جائے گا۔اعلامیے میں آئی ایم ایف کی جانب سے پاکستان کے معاشی اقدامات کی تعریف کی گئی ہے۔ اعلامیے کے مطابق پہلے جائزے کے بعدپاکستان کی معاشی اور مالی حالت بہتر ہوئی، با اعتماد پالیسی مینجمنٹ کی پشت پر ترقی اور اعتماد کی بحالی جاری ہے۔ آئی ایم ایف کہا ہے کہ نئی حکومت نے پروگرام پر عمل درآمد جاری رکھنے کا کہا ہے، کثیر الجہتی اور دو طرفہ شراکت داروں سے رقوم کی بحالی میں بہتری آئی ہے۔ اعلامیے میں کہا گیا ہے کہ اس سال ترقی معمولی رہنے کی توقع اور افراطِ زر ہدف سے کافی زیادہ ہے، اقتصادی کمزوریوں سے نمٹنے کے لیے جاری پالیسی اور اصلاحات کی ضرورت ہے۔حکومتِ پاکستان نے مسائل کے مستقل حل کے لیے وسط مدتی فنڈ پروگرام میں دلچسپی ظاہر کی ہے، نیا پروگرام اقتصادی بحالی کو مستحکم، مضبوط اور پائیدار بنیادیں دینے کے لیے ہے۔ اعلامیے میں آئی ایم نے کہا ہے کہ اسٹیٹ بینک آف پاکستان اور نگراں حکومت کے حالیہ مہینوں میں پروگرام پر کام کو سراہتے ہیں، پاکستان نے نئے قرض پروگرام کے حصول میں دلچسپی ظاہر کی ہے، پاکستان سے میڈیم ٹرم فنڈ سپورٹڈ پروگرام پر مذاکرات کریں گے۔ فریقین کے درمیان مذاکرات آنے والے مہینوں میں شروع ہوں گے، پاکستان کی معاشی اور مالی صورتِ حال میں بہتری آئی ہے۔ آئی ایم ایف کے مطابق بہتر پالیسی مینجمنٹ کے باعث معاشی گروتھ اور اعتماد بحال ہوا ہے، امید ہے کہ پرائمری بیلنس 401 ارب روپے تک رہے گا۔