لیول پلیئنگ فیلڈ،پی ٹی آئی نے الیکشن کمیشن کے خلاف توہین عدالت کی درخواست دائر کردی

عام انتخابات میں لیول پلیئنگ فیلڈ کے احکامات پر عملدرآمد کا معاملہ،تحریک انصاف نے سپریم کورٹ میں توہین عدالت کی درخواست دائر کر دی سپریم کورٹ میں دائر کی گئی درخواست میں موقف اختیار کیا گیا ہے کہ عدالتی احکامات کے باوجود پی ٹی آئی امیدواروں کو کاغذات نامزدگی جمع کرانے سے روکا گیا،عدالتی حکم عدولی کرنے والوں کیخلاف سخت کارروائی کرنے کی استدعا ہے، درخواست میں استدعا کی گئی ہے کہ سپریم کورٹ 22 دسمبر کے احکامات پر عملدرآمد یقینی بنائے،پی ٹی آئی امیدواروں کو ریلیوں اور جلسوں کی اجازت دی جائے، پی ٹی آئی امیدواروں اور رہنمائوں کو گرفتاریوں اور حراساں کرنے سے روکنے کی بھی استدعا ہے، پی ٹی آئی کی جانب سے دائردرخواست میں چاروں چیف سیکرٹریز ، آئی جیز،سیکرٹری داخلہ، سیکرٹری الیکشن کمیشن کو فریق بنایا گیا ہے،پی ٹی آئی نے توہین عدالت کی درخواست پر فوری سماعت کرنے کی بھی استدعا کی ہے۔