پنجاب اور کے پی میں انتخابات کا التواء،پی ٹی آئی کا الیکشن کمیشن کے خلاف توہین عدالت کی درخواست دائر کرنے کا اعلان |
|
جمعرات 31 اگست 2023ء | |
پاکستان تحریک انصاف نے الیکشن کمیشن کے خلاف توہین عدالت کی درخواست دائر کرنے کا اعلان کر دیا پی ٹی آئی ترجمان کے مطابق پنجاب اور خیبرپختونخوا (کے پی) میں انتخابات سے متعلق الیکشن کمیشن نے آئین سے انحراف کیا۔ ترجمان کے مطابق پی ٹی آئی نے پنجاب اور خیبرپختونخوا میں اسمبلیوں کی تحلیل کا آئینی قدم اٹھایا، اسمبلیوں کی قبل از وقت تحلیل، الیکشن کمیشن کو 90 روز میں انتخابات کرانے کا پابند کرتی ہے پی ٹی آئی ترجمان کا مزید کہنا تھا کہ سپریم کورٹ نے 90 روز میں انتخابات کے دستوری حکم کی تشریح کرتے ہوئے الیکشن کمیشن کو 14 مئی کو پنجاب میں انتخابات کے انعقاد کا پابند بنایا۔ جبکہ الیکشن کمیشن نےحکم پر عمل کی بجائے انتخابات غیرمعینہ مدت تک ملتوی کرنے کاقدم اٹھایا۔ ترجمان کا کہنا تھا کہ پی ٹی آئی الیکشن کے غیر ضروری التواء اور عدالت کے حکم پر عملدرآمد نہ کرنے پر الیکشن کمیشن کے خلاف توہین عدالت کی درخواست دائر کرے گی |