سانحہ جڑانوالہ،تحقیقات کے لئے جے آئی ٹی تشکیل

جڑانوالہ میں گھروں اور گرجا گھروں کو جلانے کے واقعات کی تحقیقات کیلئے جے آئی ٹی تشکیل دے دی گئی۔ تفصیلات کے مطابق جڑانوالہ واقعات کی تحقیقات کیلئے 6 رکنی جے آئی ٹی تشکیل دی گئی ہے جس میں ایس ایس پی سی ٹی ڈی، ایس پی، ڈی ایس پی اور سب انسپکٹر شامل ہیں۔ یاد رہے کہ پولیس نے سانحہ جڑانوالا میں ملوث 170 اہم ملزمان کی فہرست تیار کی تھی جس میں سے 160 ملزمان کو گرفتار کر لیا گیا ہے۔ جڑانوالہ سانحہ پر 21 مقدمات 5 ہزار سے زائد افراد کے خلاف درج کیے گئے ہیں اب تک 160 افراد کو گرفتار کیا جا چکا ہے