القادر ٹرسٹ کیس،سابق وزیر اعظم عمران کی اہلیہ بشریٰ بی بی کی اکتیس مئی تک ضمانت منظور

بشریٰ بی بی اپنے شوہر عمران خان کے ہمراہ احتساب عدالت اسلام آباد پہنچیں جہاں احتساب عدالت کے جج محمد بشیر نے درخواست ضمانت کی سماعت کی۔ بشریٰ بی بی کی کمرہ عدالت میں حاضری لگائی گئی، وکیل خواجہ حارث کا کہنا تھا کہ بشریٰ بی بی کو القادر ٹرسٹ کیس میں کوئی نوٹس موصول نہیں ہوا۔ احتساب عدالت نے بشریٰ بی بی کی درخواست ضمانت 5 لاکھ روپےکے مچلکوں کے عوض 31 مئی تک منظور کی۔ احتساب عدالت نے بشریٰ بی بی کو مچلکے جمع کرانےکے لیے دستخط کرنےکی ہدایت کی۔عدالت نے نیب کو نوٹس جاری کرکے 31 مئی تک جواب طلب کر لیا ہے۔