دس سال کے شام کی عرب لیگ کی رکنیت بحال کر دی گئی |
|
پیر 08 مئی 2023ء | |
عراقی میڈیا کے مطابق قاہرہ میں عرب لیگ ہیڈکوارٹرز میں رکن ممالک کے وزرائے خارجہ اجلاس کے دوران ووٹنگ کے بعد شام کی رکنیت بحال کر دی گئی ہے،شام کی عرب لیگ کی رکنیت دوہزار گیارہ میں معطل کی گئی تھی میڈیا رپورٹس کے مطابق گزشتہ ہفتے اردن کی میزبانی میں سعودی عرب، عراق، مصر اور شام کے اعلیٰ سفارتی اجلاس کے بعد شام کی اتحاد میں واپسی کیلئے ووٹنگ کرائی گئی ہے۔ عرب لیگ کے سکریٹری جنرل احمد ابوالغیط کا کہنا ہے کہ رکنیت بحالی کے بعد اب بشارالاسد چاہیں تو رواں ماہ ہونے والے عرب لیگ سمٹ میں شریک ہو سکتے ہیں سیکرٹری جنرل عرب لیگ کا کہنا تھا کہ شام کو عرب لیگ کی مکمل رکنیت دوبارہ مل چکی ہے، واضح رہے کہ شامی صدر بشارالاسد کے ساتھ تعلقات کے معاملے پر سعودی عرب سخت مؤقف اپنائے ہوئے تھا تاہم گزشتہ مہینے سعودی وزیر خارجہ شہزادہ فیصل بن فرحان نے دمشق کا دورہ کیا اور دونوں ممالک کے درمیان سفارتی تعلقات کی بحالی پر بات چیت کی جبکہ ایرانی صدر نے بھی چند روز قبل شام کا دورہ کرتے ہوئے کئی معاہدوں پر دستخط کیے تھے۔ |