پاکستان کی معاشی صورتحال،سعودی عرب سے دو ارب ڈالر ملنے کا امکان

وزارت خزانہ کے ذرائع کے مطابق آئی ایم ایف کی شرائط کے پیش نظر دوست ممالک سے تین ارب ڈالر کے فنڈ ملنے کا امکان ہے،سعودی عرب نے دوارب ڈالر پاکستان کو دینے کےلئے گرین سگنل دے دیا ہے جبکہ وزیر خزانہ اسحق ڈار دس اپریل کو امریکہ جانے سے پہلے متحدہ عرب امارات کی اعلیٰ قیادت سے بھی اس حوالے سے ملاقات کریں گے ذرائع کے مطابق آئی ایم ایف شرح سود میں اضافے کے موقف پر قائم ہے اور سالانہ نو سو ارب کی عوام کو دی جانے والے سبسڈی پر اعتراض کر رہا ہے،جبکہ پٹرول اور ڈیزل کی درآمد کم کرنے کا مطالبہ بھی کر رہا ہے،آئی ایم ایف پٹرولیم لیوی سے ٹیکسز کا شارٹ فال پورا کرنے کا مطالبہ بھی کر رہا ہے۔ آئی ایم ایف کے مطالبات اور ملک کی موجودہ معاشی صورتحال کے پیش نظر حکومت نے ایک بار پھر دوست ممالک سے رجوع کرنے کا فیصلہ کیا ہے اور ذرائع کا کہنا ہے کہ رمضان المبارک کے دوران وزیراعظم کے متوقع دورے سعودی عرب میں اہم پیش رفت کا امکان ہے