مزار اقبال پر گارڈز کی تبدیلی،پاک فضائیہ نے گارڈز کے فرائض سنبھال لئے |
|
جمعرات 23 مارچ 2023ء | |
ترجمان پاک فضائیہ کے مطابق تئیس مارچ کے دن شاعر مشرق علامہ محمد اقبال کے مزار پر گارڈز کی تبدیلی کی سادہ پروقار تقریب کا انعقاد کیا گیا ، تقریب میں ستلج رینجرز کی جگہ پاک فضائیہ کے چاک و چوبند دستے نے گارڈز کے فرائض سنبھال لئے،تقریب کے مہمان خصوصی ایئر وائس مارشل سید عمران ماجد علی تھے،انہوں نے مزار اقبال پر مسلح افواج اور شہریوں کی جانب سے پھولوں کی چادر چڑھائی اور فاتحہ خوانی کی،تقرہب میں مختلف شعبہ ہائے زندگی سے تعلق رکھنے والے افراد نے بھی شرکت کی پاک فضائیہ کے ترجمان کے مطابق یوم پاکستان کے حوالے سے تمام بیسز پر خصوصی تقاریب کا انعقاد کیا گیا ،ملک۔کی ترقی اور خوشحالی کےلئے دعا بھی کی گئی۔ |