عمران خان کا ایک اور یو ٹرن،سولہ مارچ کے ضمنی انتخابات میں خود حصہ نہ لینے کا فیصلہ |
|
جمعه 03 فروری 2023ء | |
پی ٹی آئی کے ذرائع کے مطابق موجودہ صورتحال کو مدنظر رکھتے ہوئے چیئرمین پاکستان تحریک انصاف عمران خان نے سولہ مارچ کو ہونے والے ضمنی انتخابات میں خود حصہ نہ لینے کا فیصلہ کیا ہے اور سابق اراکان اسمبلی کو اپنے اپنے حلقہ انتخاب سے کاغذات نامزدگی جمع کرانے کی ہدایت کردی ہے ذرائع کے مطابق سابق ارکان اسمبلی کو ہدایت دی گئی ہے کہ وہ اپنے اپنے حلقوں میں انتخابی مہم بھی شروع کریں اور عوامی رابطہ مہم کے حوالے سے جامع حکمت عملی ترتیب دیں تاکہ پاکستان تحریک انصاف کا نقطہ نظر عام آدمی تک موثر انداز میں پہنچایا جا سکے واضح رہے کہ قومی اسمبلی کے تینتیس حلقوں پر ضمنی انتخاب سولہ مارچ کو ہونا ہے جس کےلئے کاغذات نامزدگی چھ سے آٹھ فروری تک جمع ہونا ہے اور پی ٹی آئی کور کمیٹی کے اجلاس میں پہلے فیصلہ کیا گیا تھا کہ عمران خان تمام حلقوں سے امیدوار ہونگے |