بشری بی بی کی اڈیالہ جیل منتقلی کی درخواست اسلام آباد ہائیکورٹ میں بحال |
|
جمعرات 18 اپریل 2024ء | |
بشری بی بی کی بنی گالہ سب جیل سے اڈیالہ جیل منتقلی کی درخواست بحال ،اسلام آباد ہائیکورٹ نے درخواست بحالی متفرق منظور کر لی۔ عدالت نے درخواست پر بائیس اپریل کو حتمی دلائل طلب کر لئے۔ اسلام آباد ہائی کورٹ کے جسٹس میاں گل حسن اورنگزیب نے بشریٰ بی بی کی درخواست پر سماعت کی ، بشریٰ بی بی کی جانب سے وکیل عثمان ریاض گل جبکہ سٹیٹ کونسل عبد الرحمن پیش ہوئے۔دوران سماعت سٹیٹ کونسل عبد الرحمن نے بھی بشریٰ بی بی کی درخواست بحالی کی مخالفت نہیں کی ، عدالت نے آج بشری بی بی کا طبی معائنہ کرانے کا بھی حکم دیدیا۔ عدالت نے بشری بی بی کی بنی گالا سب جیل سے اڈیالہ جیل منتقلی کی مرکزی درخواست 22 اپریل کو مقرر کرنے کی ہدایت کرتے ہوئے سماعت ملتوی کردی۔گزشتہ سماعت پر عدالت نے عدم پیروی پر بشری بی بی کی درخواست خارج کردی تھی، بشری بی بی کے وکلاء نے درخواست بحال کرنے کے لیے دوبارہ متفرق درخواست دائر کی تھی ۔ |