امریکی ریاست فلوریڈا میں فائرنگ ،ایک شخص ہلاک،خاتون سمیت متعدد زخمی

امریکی ریاست فلوریڈا کے شہر اوکالا میں فائرنگ ، ایک شخص ہلاک اور ایک خاتون زخمی ہوگئی۔ بین الاقوامی میڈیا رپورٹس کے مطابق فائرنگ پیڈاک شاپنگ مال میں کی گئی جہاں ایک مسلح شخص نے مال میں موجود لوگوں پر فائر کھول دیے۔ رپورٹس کے مطابق فائرنگ کے نتیجے میں ایک شخص کو کئی گولیاں لگیں جس سے وہ موقع پر ہی ہلاک ہو گیا جبکہ فائرنگ کی زد میں آنے والی ایک خاتون زخمی ہوئی،فائرنگ ہوتے ہی شاپنگ مال میں بھگدڑ مچی جس سے بھی کئی لوگ زخمی ہوئے۔ میڈیا رپورٹس کے مطابق واقعے کا علم ہوتے ہی پولیس نے موقع پر پہنچ کر صورتحال کو قابو میں کیا لیکن ملزم جائے وقوعہ سے فرار ہونے میں کامیاب ہوگیا پولیس کے مطابق ہلاک شخص اور زخمی خاتون کو فوری طبی امداد کیلئے اسپتال منتقل کیا گیا جہاں زخمی خاتون کی حالت خطرے سے باہر بتائی جارہی ہے۔ پولیس حکام کا کہنا ہے کہ تحقیقات کیلئے شاپنگ مال کو 12 گھنٹے کیلئے بند کردیا گیا ہے اور سرچنگ کے دوران ایک پستول بھی ملی ہے جس حوالے سے یہ خیال کیا جارہا ہے کہ شاید یہ ملزم کی ہی پستول ہو تاہم اس حوالے سے ابھی کچھ کہنا قبل ازوقت ہے