پاک فضائیہ کا دستہ سپیئرز آف وکٹری مشق میں حصہ لینے کے بعد وطن واپس پہنچ گیا |
|
منگل 21 فروری 2023ء | |
ترجمان پاک فضائیہ کے مطابق پاک فضائیہ کے جانباز پائلٹس نے آٹھ ملکوں کے فضائی عملے کے مدمقابل اپنی صلاحیتوں اور پیشہ ورانہ مہارت کے جوہر دکھائے۔ مشق کے دوران پاک فضائیہ کے JF-17 لڑاکا طیارے کو دنیا کے جدید ترین لڑاکا طیاروں کے خلاف پرکھا گیا۔ ترجمان پاک فضائیہ کے مطابق پی اے ایف کے JF-17 لڑاکا طیارے نے مشق میں اپنی جنگی صلاحیت کا لوہا منوایا۔ پاک فضائیہ کے فائٹر جہازوں کی IL-78 طیارے کے ذریعے دھران سے پشاور سفر کے دوران ایک ہی بار میں متعدد ٹینکنگ آپریشنز کی مشق بھی کی ،بین الاقوامی پانیوں پر فضا سے فضا میں ایندھن بھرنے کا مظاہرہ مادر وطن کے ناقابل تسخیر فضائی دفاع کی جانب ایک انتہائی اہم پیش رفت اور سنگ میل ہے۔ ترجمان کے مطابق پاک فضائیہ کی سمارٹ انڈکشنز پی اے ایف کی جنگی صلاحیتوں کو مزید تقویت دینے میں اہم کردار ادا کر رہی ہیں۔ |