عمران خان کا طبی معائنہ،میڈیکل بورڈ نے تندرست قرار دے دیا

پاکستان انسٹیوٹ آف میڈیکل سائنسز کے ذرائع کے مطابق پمز کے پروفیسر ڈاکٹر رضوان تاج کی سربراہی میں میڈیکل بورڈ نے نیب میں زیر حراست پی ٹی آئی کے چیئرمین عمران خان کا طبی معائنہ کیا، بورڈ نے عمران کا بلڈ پریشر،شوگر لیول،نبض اور دل کی دھڑکن کو معمول کے مطابق قرار دیا،جبکہ میڈیکل بورڈ میں شامل ڈاکٹرز کی تجویز پر عمران خان کے خون اور یورین کے نمونے بھی لئے گئے اور ایکسرے بھی کر لئے گئے ہیں جبکہ ایل ایف ٹی اور آر ایف ٹی ٹیسٹ بھی کئے گئے ہیں ذرائع کے مطابق میڈیکل بورڈ نے ابتدائی طور پر طبی معائنہ رپورٹ نیب حکام کے حوالے کر دی ہے