فواد چوہدری کی محکمہ اینٹی کرپشن پنجاب کے خلاف لاہور ہائیکورٹ میں درخواست

سابق وفاقی وزیر فواد چوہدری نے اینٹی کرپشن پنجاب کے خلاف لاہور ہائی کورٹ راولپنڈی بینچ میں درخواست دائر کر دی۔ تفصیلات کے مطابق فواد چوہدری کی درخواست اُن کے بھائی فیصل چوہدری ایڈووکیٹ نے درخواست دائر کی۔ جس میں مؤقف اپنایا گیا ہے کہ اینٹی کرپشن کے الزامات جھوٹے اور بے بنیاد ہیں، سرکاری زمینوں پر قبضوں کے الزامات بھی بے بنیاد ہیں۔ دائر درخواست میں کہا گیا ہے کہ زمینیں پرائیویٹ لوگوں سے خریدی گئیں جن کے بیانِ حلفی موجود ہیں۔ درخواست گزار نے موقف اختیار کیا ہے کہ انہیں سیاسی بنیادوں پر ٹارگٹ کیا جا رہا ہے، محکمۂ اینٹی کرپشن فواد چوہدری کو بلیک میل کر رہا ہے۔ درخواست میں پنجاب حکومت اور ڈی جی اینٹی کرپشن کو فریق بنایا گیا ہے